ӨМӨЗО-ны Санхүү эдийн засгийн их сургууль нь Хятад Монголын хамтарсан олон улсын дээд сургуулийн үүсгэн байгуулагчдын нэг юм. Тус сургуультай хамтран 3+1 хөтөлбөр, багш оюутны солилцоо, танилцах аялал, спортын нөхөрсөг тэмцээнүүдийг зохион байгуулдаг.
Бидний хамтран ажилладаг энэхүү их сургууль нь 1960 онд байгуулагдсан, 20 гаруй мянган оюутантай, өөрийн сургуулийн бие даасан кампустай, төрийн өмчийн томоохон сургууль юм. Нийт 19 бүрэлдэхүүн сургууль, 1 харьяа сургалтын хэлтэс, 6 сургалт судалгааны туслах байгууллага болон улсын зэрэглэлийн 1 сургалтын лабораторийн жишиг төвтэй.
Тус сургууль бакалавр, магистр, докторын түвшний сургалт явуулдаг. Эдийн засаг, менежмент, шинжлэх ухаан, хууль эрхзүй, хэл судлал, инженер гэх мэт сургалтын чиглэлээр мэргэжлийн боловсон хүчийг бэлтгэдэг.
Онолын болон хэрэглээний эдийн засаг, бизнесийн удирдлага, статистик зэрэг 4 мэргэжлээр нэгдүгээр зэрэглэлийн сургалт, 23 мэргэжлээр магистрын зэрэг олгох хоёрдугаар зэрэглэлийн сургалт болон MBA(Бизнесийн удирдлагын магистр), МРАСС (Нягтлан бодох бүртгэлийн магистр), MF(Санхүүгийн магистр) гэсэн 3 мэргэжлийн магистрын сургалттай. Бакалаврын 54 мэргэжил, Монгол Хятад хос хэлний сургалттай 26 мэргэжил, өөртөө засах орны тусгай 19 төрлийн мэргэжилтэй. Тус сургуулийн бакалаврын өмнөх болон дараах сургалтад нийт 21300 гаруй оюутан суралцаж байна.
Тус сургууль олон жилийн туршлагын үр дүнд монгол хятад хэлтэй санхүү эдийн засгийн дээд мэргэжлийн боловсон хүчин бэлтгэх сургалт, судалгааны өөрийн онцлогийг бий болгож, цөөнх үндэстний мэргэжлийн боловсон хүчин бэлтгэх загварыг бүрдүүлжээ. Өдгөө монгол хятад хос хэлээр мэргэжил эзэмшиж буй оюутан 4000 гаруй байгаа нь нийт бакалаврын оюутнуудын 22%-ийг эзэлж байна. Тус их сургуулийн хэрэгжүүлж байгаа “Цөөнх үндэстний хос хэлтэй санхүү эдийн засгийн дээд боловсролтой мэргэжилтэн бэлтгэх сургалтын загвар ” нь улсын чанартай боловсролын уралдаанд дэд байрын шагнал хүртсэн байна.Монгол хэлээр хэвлэгддэг “Улс төр, эдийн засаг судлал” сэтгүүл нь Цөөнх үндэстний сургалтын шилдэг хэвлэмэл материалын тэргүүн байрын шагнал хүртсэн байна.
Тус их сургууль нь 929 бүтэн цагийн багштай, үүнээс ахлах багш 485. Магистраас дээш зэрэг цолтой 748 багш , үүнээс 296 багш нь доктор болон докторант.
Сургуулийн номын сан нь бүх мэргэжлийн 2.4 сая гаруй ном, сурах бичгийн фондтой. Номын сангийн систем нь хамгийн том цуглуулгатай ном, онлайн номын сантай танилцах боломжийг хангасан.
Сүүлийн таван жилд ӨМ-ын Санхүү эдийн засгийн их сургууль улсын чанартай 78 төсөл, бүс нутгийн чанартай 330 төслийг хэрэгжүүлээд байна. Бүх түвшний бүх төрлийн 5300 гаруй илтгэл нийтлүүлсэн ба үүний дотроос 3200 гаруй нь Хятад улсын гол сэтгүүлүүдэд хэвлэгджээ. Мэргэжлийн 441 гаруй сурах бичиг болон материалыг боловсруулан хэвлүүлсэн; Өөртөө засах орны засгийн газрын 89 шагналыг тус тус хүртсэн.
