Эрдмийн зөвлөл

Эрдмийн зөвлөлийн зорилго нь сургалт, эрдэм шинжилгээний ажлыг уялдуулах, тэдгээрийн онол арга зүйн төвшинг хангах, багш, магистрант, оюутны сургалт, судалгааны ажлыг сургуулийн алсын зорилготой холбоход арга зүйн удирдлагаар хангахад оршино.

• • Сургуулийн эрдэм судлалын ажлын ерөнхий чиглэл, сэдвийн агуулга, бүтээл туурвилын чанарт хяналт тавьж, мэргэжлийн дагуу тодорхой зөвлөгөө өгнө.
  • Сургалтыг эрдэмжүүлэх, багш оюутны мэдлэгийн түвшинг онол практиктай зөв хослох үүднээс сургуулийн захиргаа ба тэнхимийн хүсэлтийн дагуу тодорхой ажил зохиоход нь биечлэн туслах, арга зүйн удирдлагаар хангана.
  • Сургуулийн болон бусад хамтран зохиох судалгаа шинжилгээний ажил, төсөл хэрэгжүүлэлтийн арга зүй, үр дүнг авч хэлэлцэн үнэлэлт дүгнэлт өгнө.
  • Сургууль дээр зохиогдох багш оюутны эрдэм шинжилгээний хурал, семинарт төлөөлөл оролцуулж үнэлэлт дүгнэлт өгөх шалгаруулалт хийхэд оролцоно.
  • Сургуулийн Хөтөлбөрийн хороотой нягт хамтран ажиллаж, хөтөлбөрийн хэрэгжилтийн явц, шинээр хөтөлбөр нээх, хаах, хос болон хавсарга хөтөлбөрөөр суралцуулах зэрэгт арга зүй, удирдлагаар хангаж ажиллана.
  • Сургуулийн магистрын зөвлөлийн бүрэлдэхүүний талаар санал өгөх ба сургалтынх нь талаар анхаарал тавьж зөвлөмж өгөх, хөтөлбөр ба сургалтын арга барилыг боловсронгуй болгоход чиглэл өгч ажиллана.
  • Эрдэм шинжилгээний бүтээл, туурвилд, болон хувь хүмүүсийн эрдмийн ажлын чанар, мэдлэгийн чансаанд үнэлэлт, тодорхойлолт өгөх үндсэн чиг үүрэгтэй ажиллана.